بكرة

بكرة

يمكن تكون صرت مع هالرماد ..واحدْ

ما الرماد، رماد.. واحدْ

والعشق بضلو كمان.. واحدْ

وهيك أرض بـْتـِنـْحـَبْ

مين ما كانْ

من أيَّ.. واحدْ

بكرة

حبل الغسيل بيرجع.. أبيضْ

وفستان العرس رح يضل.. أبيضْ

وأحمر الحرب بيقلب كمان.. أبيضْ

بكرة

هالأرض رح بـِتـْمـِدْ

كتير.. كتيرْ

متل هالتلج ..الأبيضْ

بكرة،

بوقف برات هالبيت

هونيك.. برّة

متل ما قبل عـْملتْ،

ورح أعملْ..

كل مرة!

رح رش الرز وقولْ

رْجِعْنا

ورَجـَّعـْنا هالأرضْ.. حرة!