أحمد

Ahmad, you'll no longer play in the backyards of my imagination anymore.

يا حبيبي...


وجّعوك؟

ولمّا صرخت بدّك إمّك، يا ترى سمعوك؟

حدا قعد حدّك، وبَوسلك جبينك؟

حدا وشوشك بحنيّة، وغمّضلك عيونك؟

حدا غنّالك غنيّة، وقلّك إنّو النّار شوي وبتنطفي؟

حدا قلّك إنّك كتير حلو، وشاطر، وقبضاي؟

أقوى من طيّاراتهم كلّها، حلمك إنتَ.

أعلى من غاراتهم كلها، ضحكتك إنتَ.

أكبر من حقدهم كلّهم، حبّك إنتَ.



يا حبيبي...

بكرة رح تكبر، وتصير طيّار، بتعلّي لبعيد لبعيد، أبعد من السما واصوات القذايف. رح تصير إطفائي، وتطفي الأرض اللي عم تتوجّع. رح تصير ملاك، عطول عم يضحك.

يا حبيبي...

نمت؟

تغطّى منيح، خايفة بكرة تبرد وحدك.



* الصّورة لأحمد، ابن السنوات الأربع الذي قُتل يوم الأحد 16 تمّوز، في مجزرة طالت عائلته بأسرها...